اسلام آباد ۔16دسمبر(اے پی پی) وفاقی وزیر ریلوے خواجہ سعد رفیق آکھیا ہے جو سقوط ڈھاکا ڈینھ دے حوالے نال اساں تاریخ توں کوئی وی سبق نی سکھیا ،اساکوں ڈیکھنڑاں چاہیدا ہے جو ملک دے کیرھے کیرھے حصے اچ محرومیاں ہن انہاں محرومیاں دا ازالہ کرنڑاں چاہیدا ہے ،شیخ حسینہ واجد دی حکومت محبان پاکستان کوں جیرھیاں پھانسیاں ڈیندی پئی ہے ایندے خلاف اساکوں پوری طاقت دے نال آواز چاونڑیں چاہید ی ہے کیوں جو اے سہ ملکی معاہدے دی خلاف ورزی ہے اساکوں اے عہد کرنڑاں چاہیدا ہے جو پاکستان دی سیاست کوںجاگیر داراں دے گھر دی بانھی کائناں بنڑنڑ ڈیسوں ۔جمعے کوں قومی اسمبلی دے اجلاس اچ سقوط ڈھاکہ دے حوالے نال گالھ مہاڑ کریندے ہوئیں وفاقی وزیر آکھیا جو 16دسمبر سانحیں دا ڈینھ ہے ۔
