اسلام آباد۔16اکتوبر(ا?? پی پی)وفاقی وزیر اطلاعات و نشریات عطاء اللہ تارڑ آکھیے جو پاکستان فلسطین دا معاملہ ہر عالمی فورم تے چاتے، ہر طرح نال فلسطینی بھیݨ بھراواں دا ساتھ ݙتا، جنگ بندی معاہدے تے فلسطینی سجدہ ریز تھئن، مہذب دنیا اچ فلسطینیاں ??ے حق اچ مظاہرے وی تھئے، لندن، اٹلی، برطانیہ اچ احتجاج دے دوران ہک گملا نی ترٹُیا، فلسطین ??ے حق اچ اے کیہو جیہا احتجاج اے جیں اچ جدید ہ??ھی??ر، خنجر، چاقو چا تے لوک شامل تھئے، احتجاج دے ناں تے پرتشدد کارروائیاں کیتیاں ڳئیاں، احتجاج کرݨ آلے کوں اے حق کِئیں ݙتا جو او سرکاری اتے نجی املاک کوں ضیان پُڄاوݨ، احتجاج کرݨ آلے پولیس انسپکٹر کوں شہید کیتا، ایں دا کیا قصور ہئی جو ایں ??وں 21 گولیاں ماریاں ڳئیاں، جلاؤ گھیراؤ اتے امن تباہ کرݨ دی کہیں وی صورت اجازت نہ ݙیسوں۔ اتھاں وزیر داخلہ محسن نقوی، وزیر مذہبی امور سردار محمد یوسف اتے وزیر مملکت داخلہ طلال چوہدری دے نال پریس کانفرنس نال خطاب کریندے وفاقی وزیرِ اطلاعات آکھیا جو احتجاج دے ناں تے پرتشدد کارروائیاں کیتیاں ڳئیاں اتے ملک اچ امن و امان دی صورتحال کوں ہک سوچیے سمجھے منصوبے دے تحت خراب کرݨ دی کوشش کیتی ڳئی۔ انہاں آکھیا جو پوری دنیا ݙٹھے جو فلسطین دا مسئلہ حل آلے پاسے ودھدا پیا ہئی، پاکستان ہر بین الاقوامی فورم تے فلسطین دا مقدمہ بھرپور انداز اچ لڑیا۔ وزیراعظم شہباز شریف عالمی سطح تے نہتے اتے مظلوم فلسطینیاں دی آواز مؤثر انداز اچ چاتی۔ شرم الشیخ (مصر) اچ فلسطینی صدر محمود عباس وزیراعظم شہباز شریف دا شکریہ ادا کریندے آکھیا جو او پاکستان دے عوام دے وی شکرگزار ہن جنہاں آپݨے فلسطینی بھراواں اتے بھیݨاں دا ہر ممکن ساتھ ݙتا۔ انہاں آکھیا جو پوری دنیا ݙٹھے، جݙاں غزہ، رفاہ، خان یونس اتے مغربی کنارے دے عوام سڑکاں تے نِکل آئے۔ فلسطینی ماواں، بھیݨاں، نوجواناں اتے بڈھیں ٻاہر آ تے اللہ تعالیٰ دا شکر ادا کیتا۔ انہاں دے چہریں تے خوشی دے اتھرو ݙیکھݨ آلے ہن کیوں جو اتھاں ظلماں دا سلسلہ رُک ڳئے، جنگ بند تھئی اتے امن بحال ??ھی??۔ وفاقی وزیرِ اطلاعات آکھیا جو پوری دنیا اچ فلسطین ??ے حق اچ احتجاجی مظاہرے وی تھئے، یورپ اتے مسلم ملکاں اچ لکھاں لوک سڑکاں تے آئے پر کہیں ہک گملا تئیں نی ترٹیا۔ آسٹریلیا اچ لکھاں لوکاں پُرامن انداز اچ فلسطینیاں نال اظہارِ یکجہتی کیتا، لندن اتے اٹلی اچ وی بھرپور احتجاجی مظاہرے تھئے پر کہیں ??وئی پرتشدد واقعہ پیش نی آیا۔ انہاں آکھیا جو بدقسمتی نال صرف پاکستان خاص طور تے پنجاب اچ، اے منظر ݙٹھا ڳئے جو جݙاں تحریکِ لبیک پاکستان فلسطینیاں نال اظہارِ یکجہتی کیتے نِکلی تاں انہاں دے کنے جدید اسلحہ، خنجر، غلولیاں ،سلھاں اتے پتھر سودھے ہر قسم دا ہ??ھی??ر موجود ہئی۔ انہاں آکھیا جو جݙاں ہک ول فلسطین دا مسئلہ حل آلے پاسے ٹردا پیا ہووے ، پوری دنیا اچ جشن منایا ویندا پیا ہووے اتے خود فلسطینی اے آکھدے پئے ہوون جو امن قائم تھی ڳئے اتے او اللہ تعالیٰ دا شکر ادا کریندے پئے ہوون، تاں ول پاکستان دے اندر کہیں جماعت کوں کیا حق حاصل ہئی جو او ٻاہر نِکل تے جدید اسلحے نال لیس تھی تے نجی اتے سرکاری املاک کوں ضیان پڄاون۔ انہاں آکھیا جو شیخوپورہ دے اوں ایس ایچ او دے گھر آلیں توں ونڄ تے پُچھو جیں ??وں گاݙی توں لہہ تے گولیاں ماریاں ڳئیاں، او بندہ جیں ساری زندگی ملک و قوم دی خدمت کیتی، ایں دا قصور آخر کیا ہئی؟ وفاقی وزیرِ اطلاعات آکھیا جو پُرامن احتجاج جماعتِ اسلامی وی کیتا، کراچی، اسلام آباد اتے راولپنڈی اچ انہاں دے وݙے پُرامن مظاہرے تھئے جنہاں اچ وݙی تعداد اچ لوک شامل تھئے۔ انہاں آکھیا جو آئینِ پاکستان احتجاج دی اجازت ݙیندے اتے ایں دے مخصوص ضابطے ہوندن، احتجاج پُرامن ہوݨا چاہیدے اتے انتظامیہ توں اجازت نامے حاصل کیتے ونڄݨے چاہیدن پر امن کوں وڳاڑݨ، جلاؤ گھیراؤ کرݨ، اسلحے دا استعمال اتے پولیس اہلکاراں کوں زخمی کرݨ ناقابلِ قبول اے۔ انہاں آکھیا جو پولیس اہلکار وی کہیں دے پُتر اتے بھرا ہن، جݙاں او گھروں نِکلدن تاں انہاں دے گھر آلے دعا گو ہوندن جو انہاں دا پُتر یا بھرا ملک و قوم دی خدمت دے دوران محفوظ رہے پر بدقسمتی نال ہک تاثر بݨ ڳئے جو کجھ اے سمجھدن جو او ساریں توں زیادہ دین دار ہن یا فلسطین دے مقدمے دے ساریں توں وݙے حامی صرف او ہی ہن جیڑھی جو سراسر غلط اتے خطرناک ذہنیت اے۔ وفاقی وزیرِ اطلاعات عطاء اللہ تارڑ آکھیا جو اساں نبیِ کریم ﷺ دی سُنت تے عمل کریند?? پیوں اتے اوہناں ﷺ اساکوں زندگی گزارݨ دا مکمل طریقہ کار ݙتے، اڄ جے اساں پولیس اہلکاراں کوں شہید یا زخمی کریندوں تاں اے کِیڑھے دین اچ لکھیے؟ انہاں آکھیا جو فلسطین دا مسئلہ حل تھیندا پئے، فلسطینی خوشیاں مناوݨ ویندے پئن اتے اللہ تعالیٰ دا شکر ادا کریندے پئن پر اتھاں ہک پولیس انسپکٹر کوں 21 گولیاں مار تے شہید کر ݙتا ویندے جیڑھا نہ دین اچ جائز اے، نہ قانون اچ اتے نہ ہی آئین اچ۔ وزیرِ اطلاعات آکھیا جو جݙاں معاملہ ڳالھ مہاڑ دے ذریعے حل تھیندا پیا ہووے اتے کہیں جاء یا مقام بارے ڳالھ تھیندی پئی ہووے پر لوک ضِد تے اڑیے رہن تاں صورتحال ہمیشہ کنٹرول توں ٻاہر تھی ویندی اے۔ انہاں آکھیا جو ملک اچ قانون موجود اے اتے ساریں ??وں ایں ہی طریقہ کار دے تحت رہݨا ہوسی، ایں ہی ضابطے موجب احتجاج اتے ݙوجھے امور دی اجازت ݙتی ویندی اے۔ ایں معاملے ??ے حوالے نال وفاقی وزیرِ داخلہ محسن نقوی دی زیرِ صدارت ہک اجلاس منعقد تھئے جیں اچ وزیرِ مذہبی امور سردار یوسف، وزیرِ مملکت داخلہ طلال چوہدری اتے او خود شریک ہن۔
