اسلام آباد۔7ستمبر (اے پی پی) وزیراعظم محمد شہبازشریف آذربائیجان دے صدر الہام حیدر علیوف نال ٹیلی فون تے ڳالھ کیتی اتے آذربائیجان ولوں پاکستان دے چھل متاثرین کیتے فراخدلانہ امداد تے شکریہ ادا کیتا۔ بدھ کوں وزیراعظم آفس دے میڈیا ونگتوں جاری بیان موجب آذربائیجان ولوں 2 ملین ڈالر دی امداد دا ذکر کریندیں ہوعین وزیراعظم آکھیا جو پاکستان مون سون اچ معمول توں ودھ بارشاں پاروں شدید سیلاب دی زد اچ اے۔ جئیں پاروں وݙے پیمانے جانی نقصان دےنال نال لوکاں دے ذرائع معاش اتے انفراسٹرکچر دا ٻہوں نقصان تھیے۔ وزیراعظم توانائی سودھے مختلف شعبیاں اچ آذربائیجان نال پاکستان دےتعاون کوں ٻیا ڳھاٹا اتے ودھاوݨ دے آپݨا عزم کیتا۔ پاکستان اتے آذربائیجان اقوام متحدہ، او آئی سی اتے ای سی او جیھے بین الاقوامی فورمز تے ہک ݙوجھے دی حمایت کریندن۔
