اسلام آباد۔5جنوری (اے پی پی) صدر مملکت ڈاکٹر عارف علوی آکھیا جو جسمانی صلاحیت ، سماجی تے اقتصادی پس منظر توں ہٹ تے سارے ٻالاں کوں ہکو سویں تعلیم دے موقع ݙیوݨے پوسن۔ نجی سکول ، فلاحی تنظیماں معذوری اچ ٻالاں سودھے ساریاں کیتے تعلیم تئیں رسائی ودھاوݨ اچ حکومتاں دا ساتھ ݙیون۔ اے ڳالھیں انہاں گورنر ہاؤس کراچی اچ کراچی دے نجی سکولاں اتے این جی اوز ولوں سکولاں دے نمائندیاں نال ملاقات کریندیں ہوئیں آکھی۔ وزیر وفاقی تعلیم اتے پیشہ ورانہ تربیت مدد علی سندھی، سندھ دی وزیر تعلیم و خواندگی مسز رانا حسین، سیکرٹری ڈیپارٹمنٹ آف امپاورمنٹ آف پرسنز ود ڈس ایبلٹیز، سیکرٹری سکول ایجوکیشن اینڈ لٹریسی ڈیپارٹمنٹ اتے کراچی اچ سکولاں دے نمائندے اجلاس اچ شریک تھیے۔ وفاقی تعلیم اتے پیشہ ورانہ تربیت دے وزیر مدد علی سندھی پورے ملک دے سکولاں دی حالت بہتر ٻݨاوݨ دی لوڑھ تے زور ݙتا۔ انہاں پاکستان اچ جامع تعلیم دے سنیھے کوں اڳوں ودھاوݨ تے صدرمملکت اتے خاتون اول دی تعریف کیتی۔
