اسلام آباد۔29فروری(اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیے جو اڄ ملک اچ جمہوریت دا تسلسل برقرار اے، پرامن طریقے نال انتقال اقتدار تھیندا پئے، منتخب وزیراعظم 4 مارچ کوں حلف چیسن، جمعہ کوں قومی اسمبلی دے سپیکر اتے ڈپٹی سپیکر دا چݨائو تھیسی، اساں اپݨا وعدہ پورا کیتے جیویں حالت اچ ملک ملیا ہا اوندے توں چنڳاں منتخب حکومت کوں چھوڑ تے ویسوں، نگران حکومت اپݨا کم پورا کیتے، الیکشن کمیشن نال تعاون کیتے، معاشی ترقی تے توجہ ݙتی اے۔ پی ٹی وی دے پروگرام اچ الیندے انہاں آکھیا جو ملک اچ تھیوݨ آلے ہر انتخاب تے تحفظات ݙکھائے ڳن ٻھل جمہوریت دا تسلسل برقرار رہے، 2024 دے انتخابات اچ اینجھی کوئی صورتحال کائنی جیندے تے چنتا تھیوے، جمہوریت اچ شور شرابہ تھیندے جیکوں برداشت کرݨا ہوندے۔ انہاں آکھیا جو پی ٹی آئی دے ائی ایم کوں خط دا مقصد اپݨے آپ کوں سرخیاں اچ رکھݨ ہا، ایندے نال آئی ایم ایف دے معاملات رکݨ آلے نئیں، اینڄھا سیاسی کھیݙ کھیݙݨ افسوسناک اے، قومی سطح دے ایجنڈے اتے معاشی و سیاسی استحکام کیتے ہک ٻئے دا ہتھ ونݙاوݨا ہوسی۔
