اسلام آباد۔6جون (اے پی پی) ماہرین صحت دی شہریاں کوں ہیٹ سٹروک توں بچݨ کیتے احتیاط کرݨ دی ہدایت کیتی اے۔ گزریل مہینے مئی توں ݙاݙھی گرمی اتے حبس پاروں ہیٹ سٹروک پاروں شدید نقصان تھیندا پئے۔ صحت دے ماہرین دے مطابق ہیٹ سٹروک دی وجوہات اچ گرم اتے خشک موسم، ݙاݙھی گرمی اچ پاݨی پیتے بغیر محنت یا ورزش کرݨ، جسم اچ پاݨی دی ڳھٹکی، زیابیطیس دا ودھ ونڄݨ، دھپ اچ براہ راست زیادہ دیر رہوݨ شامل اے۔ ہیٹ ویو توں بچݨ کیتے لوکاں کوں سویلے 11 توں 4 وجے تئیں غیر ضروری ٻاہر نی نکلݨا چاہیدا۔ سر کوں کپڑے نال ڈھپ تے رکھیا ونڄے۔ ہلکے اتے نرم کپڑے پاتے ونڄن، کالے اتے ڳھاٹے رنگ دے کپڑے بلکل نہ استعمال کیتے ونڄن، سیزیاں، دالیں، پھل ، ݙھی اتے کھیر دا ودھ استعمال کیتا ونڄے۔
