اسلام آباد۔31مارچ(اے پی پی) چیئرمین سینیٹ محمد صادق سنجرانی سوالاں دے وقفے ویلھے وزراء دی عدم موجودگی دا نوٹس گھندے ہوئیں آکھیے جو او وزیراعظم کوں خط لکھسن ۔ ایوان دی کارروائی ویلھے وزراء کوں اتھاں موجود ہووݨا چاہیدے ۔ سینیٹ اجلاس اچ سینیٹر ڈاکٹر آصف کرمانی ایں پاسے توجہ ݙیوائی جو اتھاں وزراء موجود کائنی ، سینیٹ دا تقدس تے احترام لازم اے، وزراء کوں اتھاں موجود ہووݨا چاہیدے جیں تے وزیر مملکت قانون شہادت اعوان آکھیے سارے وزراء اپݨی وزارتاں اچ کم کریندے پئن تے کجھ وزرا ء وزیراعظم دے رلے کے پی کے دے دورے تے ہن ۔ چیئرمین سینیٹ آکھیے وزراء کوں ایوان اچ آوݨا چاہیدے ایں حوالے نال او وزیراعظم کوں خط لکھسن ۔
