ابوظهبي_10 جنوري(اي پي پي) گڏيل عرب اماراتن جي هوائي ڪمپني اتحاد ايئر ويز اميد ظاهر ڪئي آهي ته 2025 تائين 18 ملين ماڻهن کي سفر جون سهولتون فراهم ڪرڻ جو هدف حاصل ڪيو ويندو، اتحاد ايئر ويز جي چيف ايگزيڪٽو آفيسر انتو نولڊو ونيويس چيو آهي ته 2024 دوران اڏامن جو دائرو وسيع ڪيو ويندو ، ڪورونا کان اڳ 2019 ۾ اتحاد ايئر ويز ذريعي سفر ڪندڙ ن جو سالياني تعداد 17 ملين تائين پهچي ويو هو، هلندڙ سال بوسٽن سميت ٻين ڪيترن ئي نون هوائي اڏن لاءِ اڏامون شروع ڪيون وينديون، بوسٽن آمريڪا ۾ اتحاد ايئر جو چوٿون هوائي اڏو هوندو جنهن لاءِ هفتي ۾ 4 اڏامون هلايون وينديون، شروعات 31 مارچ کان ٿيندي،جڏهن ته ٻين ملڪن لاءِ پڻ وڌيڪ اڏامون شروع ڪيون وينديون، هن چيو ته اتحاد ايئر 2017 جي ڀيٽ ۾ هن وقت وڌيڪ بهتر مالي پوزيشن ۾ آهي، 2022 جي ڀيٽ ۾ گذريل سال مسافرن جي تعداد ۾ 30 سيڪڙو اضافو ٿيو آهي.
