اسلام آباد – 18 – مارچ (اي پي پي) پرڏيهي وزير محمد اسحاق ڊار سان گڏيل عرب امارات جي سفير عبيد ابراهيم سالم الزابي ملاقات ڪئي. پرڏيهي آفيس موجب پرڏيهي وزير کي عهدو سنڀالڻ تي مبارڪباد ڏيندي سفير گڏيل عرب امارات جي قيادت پاران نيڪ خواهشن جو اظهار ڪيو. پرڏيهي وزير يو اي اي جي هم منصب پاران مبارڪباد ڏيڻ جي لاءِ ٽيليفون کي ساراهيو ۽ گڏيل عرب امارات جي قيادت سان گڏجي ڪم ڪرڻ جي خواهش جو ورجاءُ ڪيو. ملاقات ۾ ٻطرفو تعاون وڌائڻ بابت معاملن تي پڻ خيالن جي ڏي وٺ ٿي.