وزیراعظم دے صحت پروگرام دے تحت اٹھ ضلعیاں کوں ماڈل بنڑیسوں،راجنپور انہاں اچ پہلا ضلع اے،راجن پوراچ 200 بیڈ دا ہسپتال بنڑسی، بنیادی طبی مراکزاچ ڈاکٹرزلیندے پئے ہیں
پنجاب دی وزیر صحت ڈاکٹر یاسمین راشد داراجنپور اچ وزیراعظم صحت انصاف کارڈدی تقریب نال خطاب
راجن پور۔ 22 فروری (اے پی پی) پنجاب دی صوبائی وزیر صحت ڈاکٹر یاسمین راشد آکھیے جو وزیراعظم دی سوچ دے مطابق عوام کوں صحت دیاں سہولتاں دیونڑ کیتے پرعزم ہیں،وزیراعظم دے صحت پروگرام دے تحت اٹھ ضلعیاں کوں ماڈل بنڑیسوں،راجنپور انہاں اچ پہلا ضلع اے،راجن پوراچ 200 بیڈ دا ہسپتال بنڑسی، بنیادی طبی مراکزاچ ڈاکٹرزلیندے پئے ہیں۔ اے گالھ پنجاب دی وزیر صحت ڈاکٹر یاسمین راشد راجنپور اچ وزیراعظم صحت انصاف کارڈدی تقریب نال خطاب کریندے آکھی۔ انہاں آکھیا جو صوبہ خیبر پختونخوا اچ صحت انصاف کارڈز دے اجراءتوں بعد ہنڑ پنجاب اچ ضلع راجن پورتوں ایں کارڈ دا اجراءکیتا ویندا پئے جیندے تحت ملک دے 36 ضلعیان اچ 72 لکھ صحت کارڈ ونڈیے ویسن،ایندے نال غربت توں تلے راہنڑ آلے ترائے کروڑ توں ودھ لوک فیدہ چیسن، کارڈتے علاج کراونڑ آلے مزدوردوران علاج مزدوری نہ کر سگن پاروںمعاوضہ وی گھن سگسن، ایندے علاوہ صحت دے نظام کوں چنگاں کریندے پئے ہیں۔
