اسلام آباد ۔ 13 مئی (اے پی پی) قومی اسمبلی دی قائمہ کمیٹی خزانہ، محصولات تے اقتصادی امور دا اجلاس ،رکن قومی اسمبلی اسد عمر کوں کمیٹی داچیئرمین منتخب کر گھدا گئے ۔ ایں سانگے قائمہ کمیٹی دااجلاس سنوار کوں پارلیمنٹ ہاﺅس اچ تھیا۔ خصوصی سیکرٹری قومی اسمبلی سیکریٹریٹ کمیٹی ارکاناں دا خیر مقدم کیتا اتے چیئرمین دے انتخاب دے طریقہ بارے بریفنگ ڈتی۔ سید نوید قمر رکن قومی اسمبلی اسد عمر دا ناں کمیٹی دے چیئرمین دے طور تے تجویز کیتا جڈاں جو سردار نصراللہ خان دریشک انہاں دے ناں دی تائید کیتی۔اسد عمر قائمہ کمیٹی خزانہ، محصولات تے اقتصادی اموردے سانجھا چیئرمین منتخب تھی گن۔ اجلاس اچ اراکین قومی اسمبلی رضا نصراللہ ، فیض اللہ، مخدوم سمیع الحسن گیلانی، سردار نصراللہ خان دریشک، فہیم خان، آفتاب حسین صدیقی، محمد اسرار ترین، علی پرویز، ڈاکٹر عائشہ غوث پاشا، مس نفیسہ شاہ، سید نوید قمر اتے حنا ربانی کھر دے علاوہ قومی اسمبلی سیکرٹیریٹ دے سینئر افسراں شرکت کیتی۔
