مڪه مڪرمه -07 مارچ (اي پي پي) الحرمين الشريفين انتظاميه ۾ ديني معاملن جو سربراهه شيخ ڊاڪٽر عبدالرحمان السديس بدر بن صالح آل شيخ کي ديني معاملن جو سربراهه جو سيڪريٽري مقرر ڪيو آهي . ايس پي اي مطابق ان موقعي تي بدر بن صالح آل شيخ ديني معاملن جي سربراهه شيخ ڊاڪٽر عبد الرحمان السديس جي اعتماد تي شڪريه ادا ڪندي چيو ته مون کي حرمين انتظاميا تحت ديني معاملن ، آئمه ، موذنين ، قرآن جي درس۽ ٻين معاملن جي خدمت جو موقعو فراهم ڪيو ويو آهي . هن ديني معاملن جي سربراهه جي فيصلي کي عزت افزائي ۽ ذميواري قرار ڏيندي چيو ته ان اعتماد کان ٻيڻي محنت ۽ وڌيڪ ڌيان سان ڪم ڪرڻو پوندو ته جيئن سعودي قيادت جي خواهش مطابق پانڌيئڙن جي خدمت ۽ اسلام جي پيغام کي دنيا تائين پهچايو وڃي .
