اسلام آباد۔30نومبر(اے پی پی):صدر مملکت ڈاکٹر عارف علوی بیوروکریسی کوں کارکردگی اتے رسائی کوں خاص طور تے ملک دے پرے تے پسماندہ علاقیں تئیں ودھاوݨ تے لوکاں کوں انہاں دی دہلیز تےبنیادی خدمات دی معیاری اتے تکھی فراہمی یقینی بݨیندے ہوئیں خدمت تے مبنی شعبے اچ تبدیل کرݨ دی لوڑھ تے زور ݙیندے ہوئیں آکھیے جو بغیر کہیں پریشانی دے تکھی رفتار خدمات دی فراہمی اچ آندیاں رکاوٹاں کوں دور کرتے عوام کوں ریلیف ݙیوݨ تے توجہ ݙتی ونڄے ۔ صدر مملکت اے ڳالھ ٻدھ کوں ایوان صدر اچ 117ویں نیشنل مینجمنٹ کورس (این ایم سی) دے شرکاء توں خطاب کریندے ہوئیں آکھی اے جنہاں اچ مختلف سروسز اتے پیشہ وارانہ گروپاں دے سینئر سرکاری ملازمین شامل ہن۔ شرکاء توں خطاب کریندے ہوئیں صدر آکھیے جو بیوروکریسی کوں آپݨی توانائیاں، صلاحیتاں ، علم تے مہارت کوں پاکستانی عوام کوں ریلیف ݙیوݨ کیتے مرکوز کرݨا چاہیدے تے ملک دے سارے حصیں خصوصاً پرے دے علاقیں دے لوکاں تئیں خدمات دی فراہمی کوں بہتر بݨاوݨا چاہیدے۔ انہاں آکھیے جو عوام دی فلاح و بہبود نال وابستگی بیوروکریسی دا مرکزی ستون ہووݨا چاہیدے جیں کیتے زیادہ وقت پیسے نی بلکہ رویں اچ تبدیلی دی لوڑھ ہوندی اے ۔
