گوجرانوالہ۔ 20 مئی (اے پی پی) وفاقی وزیرتوانائی خرم دستگیرخان آکھیا جو جنہاں لوکاں دے استعفے منظور تھین او واپس ڳھنݨ دی آئین اچ کوئی شق موجود کائنی، ملک اچ کوئی نواں قانون، نواں ضابطہ یا نویں عدالت کائنی ٻݨدی پئی، عمران کان امریکا اچ لابنگ کیتے کمپنیاں ہائر کر رکھین، زلمے خلیل زاد دے ٹویٹ سامھے ہن، ایران توں گوادر کوں بجلی دی سپلائی چار مہینے دی ڳھٹ مد اچ ترسیلی لائن پوری کرݨ نال ممکن تھئی اے، پچھلی حکومت ایں تے مجرمانہ غفلت دا ݙکھائی اے، شہباز شریف دور حکومت اچ 3 ہزار 800 میگاواٹ سستی بجلی سسٹم اچ شامل کیتی ڳی اے۔ اے ڳالھیں انہاں گیپکو آفس اچ پریس کانفرنس توں خطاب کریندیں ہوئیں آکھی۔ انہاں آکھیا جو وزیراعظم شہباز شریف گوادر دی بجلی دا مسئلہ حل کرݙتے، وزیراعظم شہباز شریف اتے ایران دے صدر ٹرانسمیشن لائن دا افتتاح کیتے جئیں نال ایران توں گوادر بجلی دی سپلائی شروع تھی ڳی اے۔ سو میگاواٹ دی ٹرانسمیشن تے ݙو ارب روپے دی لاگت آئی اے۔ انہاں آکھیا جو گزریل کجھ عرصے اچ پاکستان ٻݨاوݨ آلے اتے ساڑݨ آلیاں اچ فرق نشابر تھی ڳے اتے 9 اتے 10 مئی کوں کوئی عوامی ردعمل نی ݙٹھا، کجھ سو بندے سامھے نی آئے، مسلح جتھے سامھے آئے جنہاں جلاؤ گھیراؤ کیتا۔
