اسلام آباد۔3نومبر(اے پی پی) ترجمان قومی اسمبلی آکھیے قومی اسمبلی دے 4 نومبر 2024 سنوار کوں تھیوݨ آلے اجلاس دا ویلھا بدال ݙتا ڳئے۔ اجلاس سنوار شام 5 وڄے دی بجائے تریجھے پہر 4 وڄے تھیسی ۔قومی اسمبلی سیکرٹریٹ ڈائریکٹوریٹ جنرل آف میڈیا توں جاری بیان اچ ترجمان قومی اسمبلی آکھیے قومی اسمبلی سیکرٹریٹ دی طرفوں کل تھیوݨ آلے اجلاس دے ویلھے اچ تبدیلی دا مراسلہ جاری کرݙتا ڳئے ، قومی اسمبلی اجلاس سنوار شام پنج ونڄے دی بجائے تریجھے پہر 4 وڄے تھیسی ۔ترجمان قومی اسمبلی آکھیے اجلاس دے شیڈول اچ تبدیلی اسپیکر قومی اسمبلی دے قواعد و ضوابط دے طریق کار 2007 دے قاعدہ 49 دی ذیلی شق 2(بی) دے تحت اختیارات تے کیتی اے۔ اجلاس دے ویلھے اچ تبدیلی متعلق معزز ممبران قومی اسمبلی کوں وی ݙسا ݙتا ڳئے
