اسلام آباد – 06 – مارچ (اي پي پي) خاتون اول بيگم ثمينه علوي ملڪي ترقي ۾ عورتن جي ڪردار جي اهميت تي زور ڏيندي چيو آهي ته عورتن کي زندگي جي هر شعبي ۾ بااختيار بڻائڻ کانسواءِ ترقي پسند ۽ جامع معاشرو ممڪن نه آهي. بهبود ايسوسيئيشن آف پاڪستان پاران عورتن جي عالمي ڏينهن جي حوالي سان منعقد هڪ تقريب کي خطاب ڪندي ثمينه علوي چيو ته اها هر هڪ جي ذميواري آهي ته هو ڇوڪرين ۽ عورتن کي مناسب تعليم ۽ تربيت فراهم ڪرڻ جي لاءِ سازگار ماحول کي يقيني ??ڻائي ته جيئن اهي باوقار زندگي ??ذاري سگهن. عورتن کي بااختيار بڻائڻ ۾ ايسوسيئيشن جي ڪردار کي ساراهيندي هن چيو ته بهبود ايسوسيئيشن پنهنجي قائم ٿيڻ کان وٺي هيستائين اٽڪل 10 لک عورتن کي مختلف شعبن ۾ هنر ۽ تربيت فراهم ڪري بااختيار بڻايو آهي. هن چيو ته عورتون ملڪ جي ڪل آبادي جو اڌ آهن ۽ ملڪ جي معاشي ترقي کي يقيني ??ڻائڻ جي لاءِ انهن جي شموليت تمام ضروري آهي، ملڪ ۾ عورتن جي خواندگي جي شرح مردن جي ڀيٽ ۾ تمام گهٽ آهي، پاڪستان کي گلوبل جينڊر گيپ انڊيڪس ۾ 147 ملڪن مان 142 جي موجوده درجابندي کي بهتر ڪرڻ جي پڻ ضرورت آهي. هن چيو ته عورتن جي خواندگي جي شرح ۾ بهتري سان ملڪ جي مجموعي خواندگي جي شرح پاڻ ئي بهتر ٿي ويندي. ڇاتيءَ جي ڪينسر بابت آگاهي پيدا ڪرڻ ج?? پنهنجي مهم جي حوالي سان ثمينه علوي چيو ته ان بيماريءَ جي جلد تشخيص کي يقيني ??ڻائڻ جي لاءِ پنهنجو معائنو تمام اهم آهي، ڇاتيءَ جي ڪينسر جي جلد تشخيص قابل علاج آهي. اهڙي طرح هن ذهني ??حت بابت آگاهي پيدا ڪرڻ تي پڻ زور ڏنو جيڪو ذهني ??ٻاءُ کان بچڻ ۽ ماڻهن کي صحتمند رکڻ جي لاءِ تمام ضروري آهي. هن واپاري برادري تي زور ڏنو ته اهي خاص طور تي معذور ماڻهن جي لاءِ پيشيواراڻي تربيت جا مرڪز قائم ڪرڻ ۾ مدد ڪن ته جيئن اه?? پنهنجي پيرن تي بيهي سگهن ۽ ملڪ جي ترقي ۾ پنهنجو ڪردار ادا ڪري سگهن. ان ک??ن اڳ خاتون اول ايسوسيئيشن جي اسٽاف ۾ شيلڊز ورهايون. ان موقعي تي ليفٽيننٽ جنرل (ر) ڊاڪٽر نگار جوهر چيو ته بهبود ايسوسيئيشن عورتن کي بااختيار بڻائڻ ۾ اهم ڪردار ادا ڪري رهي آهي. بهبود ايسوسيئيشن آف پاڪستان جي صدر عابده ملڪ ٻڌايو ته ايسوسيئيشن جي پيلٽ فارم تان 100 بسترن جي اسپتال تعمير هيٺ آهي ۽ هڪ سال جي اندر مڪمل ٿي ويندي. بهبود ايسوسيئيشن جي صدر ثمينه علوي کي بريسٽ ڪينسر ۽ ٻين صحت ۽ سماجي مسئلن بابت آگاهي پيدا ڪرڻ ۾ نمايان ڪردار ادا ڪرڻ تي ساراهيو.
.jpg)
