اسلام آباد – 25 – ڊسمبر (اي پي پي( اطلاعات، نشريات، قومي ورثي ۽ ثقافت واري وفاقي وز??ر عطاءُ الله تارڙ چيو آهي ته تحريڪ انتشار ملٽري ڪورٽس جي معاملي کي تڪراري بڻائي رهي آهي، ملٽري ڪورٽس تي سياست ڪندڙ اهو وساري رهيا آهن ته باني چيئرمين پي ٽي آءِ پنهنجي دور ۾ ملٽري ڪورٽس جون فضيلتون بيان ڪندو رهيو آهي، ملٽري ڪورٽس ۾ ڪنهن جو ٽرائل ان وقت ٿئي ٿو جڏهن ڪير دفاعي اداري تي حملي آور ٿئي، فوجي ٺڪاڻن تي حملي جو ڪيس ملٽري ڪورٽس ۾ ئي هلندو آهي، جوابدار کي وڪيل ڪرڻ، رڪارڊ تائين پهچ ۽ فيصلي جي خلاف اپيل جو حق حاصل هوندو آهي، جن کي سزا ٿي انهن جي خلاف ناقابل ترديد ثبوت موجود آهن. صحافين سان ڳالهائيندي اطلاعات واري وفاقي وزير چيو ته تحريڪ انتشار جي ڪوشش آهي ته ملٽري ڪورٽس جي معاملي کي تڪراري بڻايو وڃي ۽ ان تي سياست ڪئي وڃي. هن چيو ته اها ڳالهه واضح آهي ته ملٽري ڪورٽس ۾ ڪنهن جو ٽرائل انهي وقت ٿئي ٿو جڏهن ڪير دفاعي اداري تي حملي آور ٿئي. هن مثال ڏيندي چيو ته جيڪڏهن ڪنهن کان ريلوي اسٽيشن يا ريل ۾ سفر دوران ڪو ڏوهه ٿئي ٿو ته ان جي ايف آءِ آر ريلوي پوليس رجسٽرڊ ڪري ٿي، جيڪڏهن ڪير منشيات جي حوالي سان ڏوهه ڪندو ته ان تي ڪارروائي اينٽي نارڪوٽڪس فورس ڪندي. اهڙي طرح جڏهن ڪنهن عسڪري ٺڪاڻي تي حملو ٿيندو ته ان تي ڪارروائي به آرمي ايڪٽ تحت ٿيندي ۽ ان جو ٽرائل ملٽري ڪورٽ ۾ ئي هلندو. وفاقي وزير چيو ته باني چيئرمين پي ٽي آءِ جي دور ۾ جڏهن سويلينز جو ملٽري ڪورٽس ۾ ٽرائل ڪيو پئي ويو ته ان وقت هن ان جون فضيلتون بيان ڪيون، ان جا ڪلپس سوشل ميڊيا تي موجود آهن. هن چيو ته ??اڪ??تان ۾ هڪ ليگل پروسيس آهي، ملٽري ٽرائل ايڪٽ آف پارليامينٽ ۽ سپريم ڪورٽ جي حڪم تي ٿئي ٿو. ان ۾ اهي سمورا حق حاصل آهن جيڪي ڪنهن به فيئر ٽرائل ۾ حاصل هوندا آهن، رائيٽ ٽو فيئر ٽرائل متاثر نه ٿو ٿئي، ان ۾ وڪيل ڪرڻ، فيملي ۽ رڪارڊ تائين پهچ ۽ اپيل جو حق ڏنو وڃي ٿو. اهو ٽرائل فزيڪل موجودگي کانسواءِ نه ٿو ٿي سگهي، رائيٽ ٽو فيئر ٽرائل جا سمورا عمل پورا ??يا وڃن ٿا. وفاقي وزير چيو ته ملٽري ٽرائل ۾ اپيل جا به ٻه حق ڏنا وڃن ٿا، هڪ ملٽري ڪورٽ ۾ اپيل ۽ ٻيو لاڳاپيل هاءِ ڪورٽ ۾ رٽ پٽيشن داخل ڪرڻ جو حق ڏنو وڃي ٿو. اهي سمورا حق حاصل هوندا آهن. وفاقي وزير چيو ته تحريڪ انتشار جا ترجمان گلا ڦاڙي ڦاڙي چئي رهيا آهن ته اهو ظلم ۽ زيادتي آهي، جيڪڏهن اهو ظلم ۽ زيادتي آهي ته انهن جو ليڊر ماضي ۾ ملٽري ڪورٽس ۾ سويلين جي ٽرائلز جون فضيلتون ڇو ??يان ڪندو رهيو ۽ ان کي ڇو ??ٺو چوندو رهيو ته اهو ٺيڪ آهي. هن چيو ته ??اڪ??تان جي اندر ڪنهن قانون جي خلاف ورزي ناهي ٿي، جن ماڻهن جو ٽرائل ٿيو آهي انهن جي خلاف ناقابل ترديد ثبوت موجود آهن. تحريڪ انصاف ان معاملي کي بنا سبب جي تڪراري بڻائڻ جي ڪوشش ڪري رهي آهي. وفاقي وزير چيو ته ??اڪ??تان سمورن عالمي قانونن جو احترام ڪري ٿو. هن چيو ته قانون جي حڪمراني ضروري آهي، قائداعظم محمد علي جناح پڻ اهو درس ڏنو ته ملڪ جي اندر قانون جي حڪمراني جو نظام لاڳو ٿيڻ گهرجي. جيڪڏهن تحريڪ انصاف قانون جي حڪمراني کي نه ٿي مڃي ۽ ان تي عمل نه ٿي ڪري ته اها بنا سبب جي تڪرار پيدا ڪرڻ جي ڪوشش ڪري رهي آهي. اهي پنهنجي لاءِ رعايت وٺڻ جي ڪوشش ڪري رهيا آهن جيڪا حاصل نه ٿي ٿي سگهي. هن چيو ته ملٽري ڪورٽ جا ٽرائل قانون م??جب ٿيا آهن ۽ قانون م??جب ئي اهي معاملا اڳتي وڌڻا آهن. هن چيو ته تحريڪ انصاف ان معاملي تي سياست کان پاسو ڪري، انهن وٽ وڌيڪ قانوني فورمز ۽ اپيل جو حق موجود آهي، ان کي استعمال ڪري سگهن ٿا. وفاقي وزير چيو ته اسان پنهنجي انٽرنيشنل ڊيولپمينٽ پارٽنرز سان گڏجي ڪم جاري رکنداسين. هن چيو ته ملٽري ٽرائل ۾ سمورن عالمي قانونن جون ضرورتون پوريون ڪيون ويون آهن، ان ۾ ڪنهن به قسم جي ڪا خلاف ورزي ناهي ٿي، تحريڪ انتشار پاران ملڪ جي خلاف بيانيو ٺاهيو پيو وڃي. 9 مئي تي انهن ماڻهن انتشار ۽ جلاءُ گهيراءُ ڪيو، ڪور ڪمانڊر هائوس جي ٻاهران انهن جا ماڻهو موجود هئا. هن چيو ته 9 مئي جي ڏوهارين کي قانون م??جب سزا ملندي ۽ ان ۾ رائيٽ ٽو فيئر ٽرائل کي آبزرو ڪيو ويندو. ان کان اڳ اطلاعات واري وفاقي وزير باباءِ قوم جي ولادت جي ڏهاڙي تي پوري قوم کي مبارڪباد ڏني. هن مسيحي برادري کي ڪرسمس جي خوشين جي پڻ مبارڪباد ڏني. اطلاعات واري وفاقي وزير چيو ته مسلم ليگ (ن) سدائين قائداعظم جي ويزن م??جب هن ملڪ جي خدمت ڪئي آهي ۽ سدائين ڪوشش رهي آهي ته ??اڪ??تان ترقي جي رستي تي گامزن رهي. هن ان عزم جو ورجاءُ ڪيو ته اسان سڀ گڏجي ??اڪ??تان کي عظيم ملڪ بڻائينداسين ۽ ??اڪ??تان ترقي ڪندو.
.jpg)
