اسلام آباد۔22نومبر(اے پی پی)وزیر مملکت برائے اطلاعات و نشریات فرخ حبیب آکھیے جو مسلم لیگ ن توں ملک دے لٹیے مال دیاں رسیداں منڳو تاں کھیسے پلٹ ݙیندن جو پلے کشئے کاعنی، کݙاھیں قطری خط، کہیں ویلھے کیلبری فونٹ جعلی ٹرسٹ ڈیڈ، کݙاھیں مرحوم جج ارشد ملک دی بلیک میلنڳ ویڈیو، کڈاہو ن لیگی ورکر سابق چیف جج رانا شمیم دا جعلی حلف نامہ اتے کہیں ویلھے جعلی آڈیو ٹیپاں ہی مسلم لیگ ن دا کل ترکہ ہین ڄیڑھیاں انہاں کوں ہر ڄاہ شرم ݙویندن۔ ہک ٹویٹ اچ انہاں آکھیا جو مریم صفدر ٹی وی تے ٻیھ تے کور ماریے جو میݙی لندن کیا پاکستان اچ وی کوئی جائیداد کاعنی، بعد اچ کھلیے جو نیلسن اینڈ نیسکول آف شور کمپنیاں، لندن اچ شریف ٹبر دے فلیٹس دی مالک بینیفیشل اونر مریم صفدر آپ ہین، پانامہ دے بعد نواز شریف اتے فیملی ہر ویلھے کوڑ کور اتے ودھ کوڑ مارین، پہلے نوازشریف آکھیے جو ” اے ہین او ذرائع ” بھل بعد اچ آپ ہی سپریم کورٹ اچ نویں کہانی ” قطری خط” پیش کرݙتے۔
.jpg)
