تل ابيب-30 نومبر (اي پي پي)اسرائيلي فوج غزه ۾ جنگ بندي ۾ توسيع جي تصديق ڪئي آهي. چين جي خابرو اداري موجب آءِ ڊي ايف موجوده جنگ بندي جو مدو ختم ٿيڻ کان ڪجهه منٽ اڳ جاري بيان ۾ چيو ته يرغمالين جي آزادي جي عمل کي جاري رکڻ ۽ جنگ بندي جي فريم ورڪ جي شرطن تحت ثالثن جي ڪوششن جي روشني ۾ آپريشنل وقفو جاري رهندو. اسرائيلي هٿياربند فوج جنگ بندي ۾ توسيع جي مدي بابت آگاهه ناهي ڪيو پر ان حوالي سان حماس طرفان ان کان اڳ جاري بيان ۾ چيو ويو هو ته خميس جي صبح ختم ٿيندڙ جنگ بندي ۾ وڌيڪ هڪ ڏينهن جي توسيع ڪئي ويندي.
