اسلام آباد – 21 جون (اي پي پي) سڄي ملڪ ۾ گذريل 24 ڪلاڪن دوران 28 هزار 855 ڪورونا جا ٽيسٽ ڪيا ويا. نيشنل ڪمانڊ اينڊ آپريشن سينٽر پاران جاري تازن انگن اکرن موجب سڄي ملڪ ۾ ڪورونا کان متاثر ٿيڻ کانپوءِ صحتياب ٿيندڙ ماڻهن جو انگ 67 هزار 892 ٿي ويو آهي، آزاد ڪشمير، بلوچستان ۽ گلگت بلتستان ۾ ڪورونا وائرس جو ڪو به مريضن وينٽي ليٽر تي نه آهي. هن وقت سڄي ملڪ ۾ ڪل ايڪٽو ڪيسن جو انگ 1 لک 5 هزار 224 آهي جڏهن ته گذريل 24 ڪلاڪن دوران ان ۾ 4 هزار 951 مريضن جو اضافو ٿيڻ سان ملڪ ۾ ڪورونا وائرس کان متاثر ٿيندڙ ماڻهن جو مجموعي انگ 1 لک 76 هزار 617 ٿي ويو آهي. آزاد ڪشمير ۾ ڪورونا وائرس کان متاثر ماڻهن جو انگ 813، بلوچستان ۾ 9 هزار 328، گلگت بلتستان ۾ 1 هزار 278، اسلام آباد ۾ 10 هزار 662، خيبرپختونخواهه ۾ 21 هزار 444، پنجاب ۾ 65 هزار 739 ۽ سنڌ ۾ 67 هزار 353 آهي. ڪورونا وائرس سبب ٿيندڙ گذريل 24 ڪلاڪن دوران 119 فوتگين سان گڏ سڄي ملڪ ۾ فوتگين جو انگ 3 هزار 501 ٿي ويو آهي. سنڌ ۾ 1 هزار 48، پنجاب ۾ 1 هزار 407، خيبرپختونخواهه ۾ 808، اسلام آباد ۾ 98، بلوچستان ۾ 100، گلگت بلتستان ۾ 21 ۽ آزاد ڪشمير ۾ 19 فوتگيون ٿيون. سڄي ملڪ ۾ هيستائين 10 لک 71 هزار 642 ڪورونا جا ٽيسٽ ڪيا ويا. سڄي ملڪ ۾ ڪورونا وائرس جي مريضن جي لاءِ مخصوص ڪيل 810 اسپتالن ۾ 6 هزار 619 مريض داخل آهن.
.jpg)
