اسلام آباد۔18جنوری(اے پی پی)وفاقی وزیر برائے توانائی حماد اظہر آکھیے جو سٹیٹ بینک دا گورنر، ڈپٹی گورنر اتے بورڈ دا تقرر کرݨ وفاقی حکومت دا اختیار اے، اپوزیشن سٹیٹ بینک بارے قانون سازی متنازعہ ٻݨاوݨ دی کوشش کیتی اے، حکومت دا اختیار چیلنج کر تے اپوزیشن سیاسی دکان چمکیندی پئی اے، گیس ݙیوݨ کیتے گھریلو صارفین ترجیح ہین۔ اے ڳالھ انہاں اسلام آباد اچ وفاقی کابینہ دے اجلاس بارے وفاقی وزیر اطلاعات و نشریات چوہدری فواد حسین دے رلے پریس بریفنگ اچ آکھی۔ انہاں آکھیا جو کراچی اچ گیس دی قلت اے بھل سندھ حکومت گھریلو صارفین دی بجائے نان ایکسپورٹ انڈسٹریاں کوں غیس ݙیندی پئی اے اتے انہاں کمپنیاں عدالت توں سٹے ڳھدا ہوئے، جیکر 100 ایم ایم سی ایف ٹی گیس کراچی کوں ݙویڄے تاں کراچی دے گھریلو صارفین دا وݙا مسلہ حل تھی سڳدے، سندھ حکومت وفاقی کابینہ دے گھریلو صارفین کوں پہلے گیس ݙیوݨ دے ترجیحی آرڈر تے عمل کرے۔ انہاں آکھیا جو اسٹیٹ بینک آف پاکستان اتے ایندے ترکے وفاقی حکومت کولو ہی راہسن، ایں بارے حقائق ݙکھیجن تاں اپوزیشن کوڑی ثابت تھیس جو اے سٹیٹ بنک بارے قانون سازی تے صرف سیاست چمکیندے پین، ماضی اچ ن لیگ سٹیٹ بنک دے کم اچ ڄنڳھ اڑا تے وزیر خزانہ دی رلت نال منی لانڈرنگ کیتی، ن لیگ ہی پہلے اسٹیٹ بینک اچ حکومتی مداخلت دی شق مکا تے اختیار بورڈ آف گورنرز کوں ݙتا ہا جنہاں ہک فون تے ایکسچینج ریٹ ودھائن، جیکر سٹیٹ بنک آزاد ہوندا تاں 2017 اچ اتنا وݙا بحران نہ آندا، اپوزیشن توں پچھو جو او ساݙا سٹیٹ بنک دا قانون وٹیسن؟ اتھاں انہاں دا دوہرا معیار واضح تھی ویندے۔
.jpg)
.jpg)
