اسلام آباد۔18جولائی (اے پی پی) وفاقی وزیر منصوبہ بندی تے ترقی احسن اقبال آکھیا جو دوست ملک چین سی پیک نال ترائے سالیں اچ اہم پارٹنر ٻݨ ڳے، اساں ایندے تحت توانائی دے منصوبیاں کوں ترجیح ݙتی اے۔ سابق وزیراعظم محمد نواز شریف ایں منصوبے کوں شروع کیتا۔ اے ڳالھیں انہاں آئی پی آر آئی ولوں چین پاکستان اقتصادی راہداری(سی پیک) دی ݙاہ سالہ تقریبات بارے تھیوݨ آلے سیمینار توں خطاب کریندیں ہوئیں آکھی۔ سیمینار دا موضوع ’’علاقائی رابطیاں دا گیٹ وے ‘‘ ہئی۔ انہاں آکھیا جو پاکستان ترائے خطیاں دا سنگم تے اے، 5 جولائی 2013 کوں سی پیک دی مفاہمتی یاداشت تے دستخظ تھیے، دوست ملک چین سی پیک نال ترائے سالیں اچ اہم پارٹنر ٻݨ ڳے، اساں ایندے تحت توانائی دے منصوبیاں کوں ترجیح ݙتی اے۔سی پیک نال تھرکول دے لکے ہوئے خزانے توں سستی بجلی ٻݨاوݨ دا منصوبہ لاتا ڳیا، سی پیک توں اٹھ ہزار میگاواٹ بجلی ٻݨی اے، انہاں آکھیا جو پچھلی حکومت سی پیک کوں متنازعہ ٻݨاوݨ دی کوشش کیتی۔ چین دے تعاون نال 3.5 ارب ڈالر دا چشمہ نیوکلئیر پلانٹ دا منڈھ بدھیے جئیں نال 1200 میگاواٹ بجلی پیدا تھیسی۔ سی پیک 2014 توں 2030 تئیں دا وݙا منصوبہ اے۔ ایں موقع تے صدرآئی پی آر آئی ڈاکٹر رضا محمد ،ڈاکٹر فضل الرحمان،سابق معاون برائے سی پیک خالد منصور،سہیل ملک اتے ڈاکٹر سلمیٰ ملک وی خطاب کیتا۔
.jpg)
.jpg)
