مظفر آباد۔15دسمبر (اے پی پی):نگران وزیراعظم انوارالحق کاکڑ آکھیے کشمیر کݙاہیں بھارت دا حصہ ہئی ،نہ ہے اتے نہ کݙاہیں ہوسی ، بھارتی سپریم کورٹ دے 4 بونے ٻہہ تے کشمیریاں دی تحریک آزادی کوں ختم نی کرسڳدے ، اساں ایجھے فیصلیں تے ایجھے قانون کوں جتی دی نوک تے رکھیندوں جیں اچ کشمیری عوام دا کوئی عمل دخل نہ ہووے،کشمیر دی تحریک آزادی دے حوالے نال کشمیری قیادت دی مشاورت نال لائحہ عمل بݨیسوں ، کشمیریاں دا حق خودارادیت مسلمہ اے۔ پریس کانفرنس توں خطاب کریندے ہوئیں انہاں آکھیے جو آزاد کشمیر دے دورے اچ انہاں دی کشمیری تے حریت قیادت نال ملاقاتاں تھئن ۔ طلبا و کابینہ دے نال وی ڳالھ مہاڑ تھئی جیں اچ صورت حال کوں چنڳے طریقے سمجھݨ تے جائزہ گھنݨ دا موقع ملیے ۔ میݙادورہ مثبت اتے تعمیری رہیے۔ آزادی دی تحریک کوں تکڑا بݨاوݨ ساریں توں اہم اے ۔ مقامی گورننس اتے ٻئے معاملات دی وی یقیناًا پݨی اہمیت اے لیکن ساݙا اصل ہدف تکمیل پاکستان دے خواب تے کشمیری عوام دی خواہشات اتے امنگاں کوں عملی جامہ پواوݨ اےایں حوالے نال دورے اچ اہم مشاورت تھئی اے ۔ ھک سوال دے جواب اچ وزیراعظم آکھیے مقبوضہ کشمیر دا کوئی وی یک طرفہ فیصلہ بھاویں او کہیں وی قانون اسمبلی یاعدالت دی طرفوں ہووے کہیں صورت قبول کائنی تے نہ ایندی کوئی اہمیت اے ، اساں ایجھے فیصلے تے قانون کوں جتی دی نوک تے رکھیندوں جیندے اچ کشمیری عوام داکوئی عمل دخل نہ ہووے۔ کشمیری اپݨے ھک لکھ شہدادی قربانیاں کوں بھلا تے بھارتی ظلم دے اڳوں کݙاہیں وی سر جھکا نہ کریسن ۔ کشمیر دی حریت قیادت کوں وختی رہا کیتا ونڄے ۔ کشمیر بھارت دا نہ کݙاہیں حصہ ہئی تے نہ انشا اللہ ہوسی۔ بھارت اقوام متحدہ دے زیر انتظام ھک عبوری انتظام دی حد اچ رہے تے ایں حد کوں پار نہ کرے بھارت دے غیر قانونی زیر قبضہ کشمیر دا حتمی فیصلہ اقوام متحدہ دی سلامتی کونسل دی انہاں قرارداداں دے تحت ہو سی جیں اچ کشمیری عوام دا حق خود ارادیت منیا ڳئے ۔، کوئی اسمبلی اتےعدالت کشمیریاں دے فیصلے کرسڳدی اے نہ کریسی پاکستان کشمیر دا مقدمہ صف اول تے لڑسی ۔ اساں آپݨی زمین تے آپݨے لوکاں دی وکالت کریسوں ۔مقبوضہ جموں کشمیر دے عوام کوں پاکستان کوں اپݨا پوٹینشل سیٹیزن سمجھدے ۔اے مستقبل دے پاکستانی شہری ہن۔ اساں انہاں دے حقوق دی پامالیاں کوں کہیں صورت اجازت نہ ݙیسوں ۔ ایں سلسلے اچ جیڑھا کجھ وی ممکن ہوسی او کریسوں ۔
.jpg)
.jpg)
