اسلام آباد۔29اپریل (اے پی پی) صدر مملکت آصف علی زرداری ترک بری افواج دے کمانڈر ،جنرل سیلکوک بایراکتار اوغلو کوں نشان پاکستان (ملٹری) نال نوازیا۔ سنوار کوں ایوان صدر اچ پروقار تقریب تھئی۔ پاک فوج دے سربراہ جنرل سید عاصم منیر ، پاکستان اچ ترکیہ دے سفیر سودھے دنیا دے مختلف ملکاں دے سفارتکاراں ، ترائیں مسلح فوج دے افسراں تقریب اچ شریک تھئیے۔ صدر مملکت آصف علی زرداری اعلیٰ ذہانت دے حامل افسر ، بہترین انتظامی خوبیاں ، بہادر اتے پیشہ ورانہ طور تے قابل افسر ہووݨ تے نشان پاکستان (ملٹری) دا اعزاز عطاء کیتا۔ اعزاز حاصل کرݨ دے بعد پاک فوج دے سربراہ جنرل سید عاصم منیر ترکیہ بری افواج دے کمانڈر کوں مبارخ ݙتی۔
