اسلام آباد – 25 – آڪٽوبر (اي پي پي) وزيراعظم محمد شهباز شريف پاڪستان اسٽاڪ ايڪسچينج جي 100 انڊيڪس پاران 90 هزار پوائنٽس جي تاريخي حد پار ڪرڻ تي قوم کي مبارڪباد ڏيندي چيو آهي ته اسٽاڪ مارڪيٽ ۾ مارچ 2024ع کان هيستائين 36 سيڪڙو اضافي، مهانگائي ۾ گهٽتائي ۽ مجموعي معاشي استحڪام جو ڪريڊٽ معاشي ٽيم ڏانهن وڃي ٿو، بجلي ??ارفين جي ريليف جي لاءِ آءِ پي پيز سان معاهدن تي نظرثاني شروع ٿي چڪي، ايندڙ ڪجهه ڏينهن ۾ معيشت جي بهتري جي حوالي ??ان وڌيڪ خوشخبريون ملنديون. وزيراعظم آفيس جي پريس ونگ پاران جاري بيان موجب وزيراعظم محمد شهباز شريف چيو ته الله جي فضل ۽ ڪرم سان مارچ 2024ع کان اسٽاڪ مارڪيٽ ۾ ترتيبوار اضافو سيڙپڪارن جي حڪومتي پاليسين تي اعتماد جي عڪاسي آهي، 14 سالن کانپوءِ پاڪستان جي اسٽاڪ مارڪيٽ ۾ اهڙو تيز اضافو معاشي ٽيم جي اڻٿڪ محنت جو نتيجو آهي، اسٽاڪ مارڪيٽ ۾ مارچ 2024ع کان هيستائين 36 سيڪڙو اضافو، مهانگائي ۾ گهٽتائي ۽ مجموعي معاشي استحڪام جو ڪريڊٽ معاشي ٽيم ڏانهن وڃي ٿو. هن چيو ته مهانگائي جي شرح 38 سيڪڙو کان 6.9 سيڪڙو تي اچي وئي، گذريل ٽه ماهي ۾ ٻاهرئين ملڪ رهندڙ پاڪستانين پاران موڪليو ويندڙ پرڏيهي ناڻو رڪارڊ 8.8 ارب ڊالر تي پهچي ويو. وزيراعظم چيو ته مسلسل ٻن مهينن کان ڪرنٽ اڪائونٽ سرپلس ۾ آهي، بجلي ??ارفين جي ريليف جي لاءِ آءِ پي پيز سان معاهدن تي نظرثاني شروع ٿي چڪي. هن چيو ته آءِ ايم ايف کان 7 ارب ڊالر جي لانگ ٽرم فيسلٽي معيشت ۾ وڌيڪ بهتري آڻيندي، پاڪستان ??ي ڊيفالٽ تائين پهچائيندڙن جا خواب ڀورڀور ٿي ويا، پنهنجي عوام سان وچن ڪيو هو ته لکين قربانين سان حاصل ڪيل هن مل?? کي ڏوهاري غفلت ڪندڙن جي نااهلي ??ي نتيجن جي ور چڙهڻ نه ڏيندس. وزيراعظم چيو ته اسان سياست جي قرباني ڏئي رياست بچائي، اڄ الله جي فضل ۽ ڪرم سان پاڪستان ۾ هر محاذ تي بهتري آئي آهي. وزيراعظم اميد ظاهر ڪئي ته ايندڙ ڪجهه ڏينهن ۾ معيشت جي بهتري جي حوالي ??ان وڌيڪ خوشخبريون ملنديون.
