لاہور۔21 دسمبر(اے پی پی )وفاقی وزیر ریلوے شیخ رشید احمد آکھیے جو عمران خان کوں کمزور کرنڑ آلے تے اداریں اچ تصادم کراونڑ دی کوشش کرنڑ آلے ناکام تھیسن ‘عدلیہ اتے فوج پاکستان ریاست دے اہم ستون ہن جیرھے جو آپت اچ کائناں ٹکریسن ‘ ہفتے کوں لاہور اچ پریس کانفرنس کریندے ہوئیں وفاقی وزیر ریلوے شیخ رشید احمد آکھیا جو وزیر اعظم سعودی عرب اتے کوالالمپور دے معاملے تے قومی اتے امت مسلمہ دے مفاد کوں سامنڑے رکھیے ، انہاں اچ کوئی ذاتی مفاد کائنی‘ پرویز مشرف دے خلاف فیصلے دا پیرا 66 غیر آئینی اتے غیر اسلامی اے‘ شہباز شریف اتے حمزہ شہباز دے کیس سنجیدہ نوعیت دے ہن‘ بلاول بھٹو زیڈ جی پی ایل دے 2011ءتوں سی ای او رہیے تے 1.5ارب دی ٹرانزیکشن تے انہاں دے دستخط ہن ‘ خورشید شاہ دے 126 اکاﺅنٹ برآمد تھن تاں جو انہاں کوں عدالت توں ضمانت مل گئی اے ۔ پہلا موقع اے جو ملزم اتے مجرم لندن اچ نیو ایئر منیسن ‘ شہباز شریف وکٹ دے ڈوہیں پاسوں کھیڈے پن ۔شیخ رشید احمد آکھیا جو نویں چیف جسٹس آف پاکستان جسٹس گلزار احمد کوں مبارخ ڈیندا تے امید کرینداں جو انہاں دے آونڑ نال حالات بہتر تھیسن ، انہاں آکھیے جو ہٹلر مودی دے خلاف جیویں بھارت سمیت دنیا دا مسلمان باہر نکلیے میڈی امت مسلمہ توں اپیل اے جو او اپنڑے مسلمان بھراوا دی حمایت اچ باہر نکلن تے ہک زبان تھی تے مسئلہ کشمیر سمیت مسلماناں دے سارے مسائل تے حل تے زور پاون ۔
