اسلام آباد۔1مارچ (اے پی پی):وفاقی وزیر توانائی حماد اظہر آکھیے جو وفاقی حکومت فیول پرائس ایڈجسٹمنٹ دی مد میں پچھلے کجھ مہینے اچ تھیوݨ آلا 4 توں 5 روپے فی یونٹ ودھارا خود برداشت کریسی ، پٹرول اتے ڈیزل دی قیمت اچ کمی کیتے پٹرولیم ڈویلپمنٹ لیوی کوں گھٹ کیتا ڳئے ، منڳل کوں آپݨے ٹویٹ اچ انہاں آکھیے جو وزیراعظم دی ہدایت تے درآمدی ایندھن دیاں قیمتاںاچ ودھارے دے وجہ توں بجلی دے گھریلو اتے کمرشل صارفین کیتے ٻلاں اچ پچھلے کجھ مہینے اچ 4 توں 5 روپے دی فیول پرائس ایڈجسٹمنٹس حکومت خود برداشت کریسی ۔ انہاں آکھیے ایں طرح پیٹرول اتے ڈیزل دیاں قیمتاں اچ وی 10 روپے فی لیٹر کمی مختصر مدت اچ پی ڈی ایل کوں گھٹ کرتے کیتی ڳئی اے جݙاں جو لمبی مدت کیتے سبسڈی ݙتی ویسی۔
