اقوام متحدہ۔23ستمبر(اے پی پی) وزیر خارجہ بلاول بھٹو زرداری دی مالدیپ دے ہم منصب عبداللہ شاہد نال ملاقات تھئی اے۔ اے ملاقات نیویارک اچ اقوام متحدہ دی جنرل اسمبلی دے 77 ویں اجلاس دے موقع تے تھیوݨ آلی او آئی سی کونسل دے وزرائے خارجہ سالانہ رابطہ اجلاس ویلھے تھئی۔ایں ملاقات اچ ݙوطرفہ تعلقات، باہمی تجارت و سرمایہ کاری سودھا علاقائی روابط و مسلیاں بارے ہکو ڄھیں اقدامات اتے تعاون تے الایا ڳیا۔
