اسلام آباد۔29ستمبر (اے پی پی) وزیرِ اعظم محمد شہباز شریف دی امریکی سفارتخانہ اچ پاک ۔امریکہ تعلقات دی 75ویں سالگنڈھ دی تقریب اچ شرکت کیتی۔ تقریب اچ چھل اچ جاں بحق تھیوݨ آلیاں اتے ٻئے متاثرین نال یکجہتی کیتے ہک منٹ دی چپ اختیار کیتی ڳئی۔ خمیس کوں وزیراعظم آفس دے میڈیا ونگ توں جاری بیان موجب تقریب اچ وزیرِ اعظم محمد شہباز شریف دے علاوہ پاکستان اچ امریکہ دے سفیر ڈونلڈ بلوم، وفاقی وزراء اتے بئی شخصیات شرکت کیتی۔ تقریب دے شروع تے پاکستان دے چھل متاثرین نال یکجہتی کیتے ہک منٹ دی چپ اختیار کیتی ڳئی۔
