اسلام آباد۔11نومبر(اے پی پی)وفاقی وزیر توانائی خرم دستگیر آکھیے جو آئیسکو اچ ایڈوانسڈ میٹرنگ انفراسٹرکچر (اے ایم آئی ) کیتے ڈیٹا سنٹر دا افتتاح کر ݙتے۔ ایں موقع تے خطاب اچ انہاں آکھیا جو اے ایم آئی بجلی کمپنیاں اچ چوری روکݨ کیتے اہم اقدام اے، ڈیٹا سنٹر دی سروسز ٻیاں بجلی کمپنیاں کوں وی ݙتیان ویسن، آئیسکو ڈیٹا سینٹر دی استعداد 50 لکھ اتے صارفین 34 لکھ ہین، بجلی دے شعبے اچ ودھ مسلے ہین، بجلی دیاں تقسیم کار کمپنیاں وݙے انڈسٹریل کمرشل صارفین کیتے ایڈوانسڈ میٹرنگ انفراسٹرکچر لیسن، ملک دے زیادہ نقصانات آلے فیڈرز اچ خراب میٹراں دی ڄاہ تے اے ایم آئی میٹرز لائے ویسن، ٹرانسفارمرز تے وی ایڈوانس میٹر لائے ویسن جیندے نال بلنگ دا معیار وی بہتر تھیسی ڄݙاں جو بجلی چوری اتے تکنیکی نقصانات تے قابو پاوݨ اچ مدد ملسی۔
