اسلام آباد۔12جون (اے پی پی):پاکستان دی نیشنل کلائمیٹ فنانس سٹیریٹجی اکتوبر 2024ء تئیں تیار کر ڳھدی ویسی ایں اقدام دا مقصد ماحولیات متعلق عالمی فنانس پاکستان گھن آوݨ اے۔ قومی اسمبلی اچ وفاقی بجٹ اجلاس توں خطاب اچ وفاقی وزیر خزانہ سینیٹر محمد اورنگزیب آکھیے پاکستان کوں موسمیاتی تبدیلی دے اثرات دا خطرہ لاحق اے، ایں سانڳے حکومت اقدامات کریندی پئی اے جنہاں اچ تخفیف و مطابقت دی کوششاں دے علاوہ پاکستان کلائمیٹ چینج اتھارٹی دی فعالیت، کلائمیٹ فنانس مانیٹرنگ ڈیش بورڈ دے قیام سودھے توانائی دی بچت تے مشتمل اقدامات شامل ہن۔
