اسلام آباد۔14اپریل (اے پی پی):وزیراعظم محمد شہبازشریف ہدایت کیتی اے جو عام آدمی دی معاشی حالت بہتر بݨاوݨ تے مہانگ تے قابو پاوݨ کتیے وختی اقدامات کیتے ونڄن ، اے ڳالھ انہاں خمیس کوں اپݨی زیر صدارت ملکی معیشت دی موجودہ صورتحال تے اعلیٰ سطح دے اجلاس توں خطاب کریندے ہوئیں آکھی اے ۔ وزیراعظم آکھیے جو حکومت پاکستان کوں معاشی لحاظ توں مستحکم بݨاوݨ کیتے ہنگامی اقدامات کرݨ ویندی پئی اے ۔وزیرِ اعظم معاشی ٹیم کوں ہنگامی بنیاداں تے معیشت دی بہتری کیتے اصلاحات دا جامع لائحہ عمل تیار کرݨ دی ہدایت جاری کیتن ، انہاں ہر صورت عام آدمی دی معاشی حالت بہتر کرݨ کیتے اقدمات کرݨ دی وی ہدایت کیتی ۔وزیرِ اعظم ملکی مجموعی معاشی صورتحال دی بہتری دے نال نال مہانگ تے قابو پاوݨ کیتے وی ترجیحی بنیاداں تے اقدامات کرݨ دا حکم ݙتا ۔اجلاس اچ وزیرِ اعظم کوں وزارتِ خزانہ دی طرفوں ملکی معیشت دی موجودہ صورتحال توں تفصیلی طور تے ݙسایا ڳئے ۔ وزیراعظم پریشان کن معاشی اعشاریں تے تشویش دا اظہارکیتے۔اجلاس اچ شاہد خاقان عباسی، احسن اقبال، مفتاح اسماعیل، مریم اورنگزیب، زبیر عمر، عائشہ غوث پاشا، طارق محمود پاشا، بلال کیانی اتے متعلقہ اعلیٰ افسران شرکت کیتی ۔
