اسلام آباد۔13اگست (اے پی پی):پاکستان دی آزادی دی 75 ویں سالگرہ دے موقع تے لوک ورثہ میوزیم شکرپڑیاں اچ 3 ݙینھ وار ثقافتی میلہ زور و شور نال جاری اے تے شہریاں دی وݙی تعداد ایں اچ دلچسپی ݙکھائی اے ۔ثقافتی میلے دی اہم خصوصیات اچ دستکاریاں دی نمائش، نیشنل آرکائیوز آف پاکستان دے تعاون توں تحریک پاکستان دی تصویری نمائش، کرافٹ بازار، لوک کھاݨے وغیرہ شامل ہن ۔ثقافتی میلے دا افتتاح گزریل ݙینھ وزیراعظم دے مشیر قومی ورثہ و ثقافت انجینئر امیر مقام کیتا ۔نمائش اچ فوک دستکاریاں تے توجہ ݙتی ڳئی اے جنہاں اچ روایتی گݙی سازی، موتی کاری ، بلاک پرنٹنگ ، سندھ توں اجرک اتے شیشے دی کشیدہ کاری دا کم، خیبر پختونخوا توں سواتی شال اتے ہزارہ پھولکاری، بلوچستان توں کڑھائی تے قالین سازی دا کم ، گلگت بلتستان توں کڑھائی اتے قیمتی پتھراں دے زیورات اتے کشیدہ کاری جݙاں جو کشمیر توں نمدا اتے گابا شامل ہن ۔تحریک پاکستان دی تصویری نمائش اچ پاکستان دی تاریخ، قیام تے تحریک آزادی دے مختلف مرحلیں تے مبنی اے ۔نمائش اچ نیشنل آرکائیوز آف پاکستان دے تعاون توں 200 نایاب تصویراں رلائیاں ڳئن ، اے نمائش عوام الناس خصوصا نینگراں اچ پاکستان دی تاریخ دے نال نال قیام پاکستان اچ ساݙے عظیم قائدین دی ودھ ساریاں کوششاں بارے آگاہی ݙیوݨ اچ معاون ثابت تھیسی ۔واضح رہے جو شکرپڑیاں اچ جاری ترائے ݙینھ وار ثقافتی میلہ اتوار14اگست تئیں جاری رہسی ۔
