اسلام آباد۔16جنوری(اے پی پی) سپیکر قومی اسمبلی راجہ پرویز اشرف نال چیئرمین ہائر ایجوکیشن کمیشن مختار احمد پارلیمنٹ ہاؤس اچ ملاقات کیتی۔ سنوار کوں تھیوݨ آلی ملاقات اچ گوجر خان اچ یونیورسٹی دے قیام اتے کلاسز دے وختی اجرا متعلق امور تے تفصیلی ڳالھ مہاڑ کیتی ڳئی ۔ سپیکر قومی اسمبلی راجہ پرویز اشرف آکھیے ملک دی تعمیر و ترقی کیتے تعلیم دا ودھارا ناگزیر اے۔انہاں آکھیے تعلیم تے صحت دے شعبے دی ترقی کیتے سیاست توں بالاتر تھی تے سوچݨ دی لوڑھ اے ۔ انہاں تعلیم تے صحت دے شعبے دی ترقی کیتے سارے سٹیک ہولڈرز وچال مفاہمت دی لوڑھ تے زور ݙتا۔انہاں آکھیے پاکستانی نوجواناں کوں اللہ تعالیٰ بے پناہ صلاحیتاں نال نوازیے، نوجواناں کوں ترقی اتے انہاں کوں روزگار ݙیوݨ کیتے تعلیم خصوصاً ٹیکنیکل تعلیم دی لوڑھ اے ۔ انہاں گوجر خان اچ یونیورسٹی دے وختی قیام تے زور ݙیندے ہوئیں آکھیے جو گوجر خان اچ ھک اعلیٰ معیار دی یونیورسٹی دا قیام ناگزیر اے ۔انہاں آکھیے خطہ پوٹھوہار تے ایندے نیڑے ضلعیں دے نینگراں کوں اعلیٰ تعلیم دیاں سہولتاں ݙیوݨ کیتے معیاری یونیورسٹی دا قیام ضروری اے۔ چیئرمین ہائر ایجوکیشن ڈاکٹر مختار احمد سپیکر قومی اسمبلی دے تاثرات دی تعریف کریندے ہوئیں آکھیے جو تعلیم دے شعبے دی ترقی کیتے انہاں دیاں کوششاں قابل ستائش ہن۔انہاں آکھیے گوجر خان اچ یونیورسٹی دا قیام انہاں دی اولین ترجیحات اچ شامل اے ،ایں حوالے نال او ایں منصوبے تے متعلقہ حکام کوں ہدایات جاری کر چکن ۔انہاں آکھیے گوجر خان اچ ھک اعلیٰ معیار دی یونیورسٹی دے قیام نال خطہ پوٹھوہار، آزاد کشمیر اتے ٻئے ملحقہ علاقیں دے نینگراں کوں معیاری تعلیم دی فراہمی ممکن تھیسی ۔
