اسلام آباد – 19 مئي (اي پي پي) وزيراعظم عمران خان چيو آهي ته سماجي تحفظ جو احساس ايمرجنسي ڪيش پروگرام غريبن جي زندگي ۾ آساني آڻڻ ۾ اهم ڪردار ادا ڪري رهيو آهي، ان پروگرام تحت 87 لک 50 هزار کان وڌيڪ ماڻهن کي هيستائين ڪورونا وبا کي منهن ڏيڻ جي لاءِ سهولت فراهم ڪرڻ ۾ مدد جي لاءِ 106 ارب 50 ڪروڙ رپين کان وڌيڪ رقم ڏني وئي آهي. پنهنجي هڪ ٽوئيٽ ۾ هن چيو ته آزاد ڪشمير ۾ هڪ لک 29 هزار 517 ماڻهن ۾ 1.6169 ارب رپيا، بلوچستان ۾ 4 لک 3 هزار 712 ماڻهن ۾ 4.9316 ارب رپيا، گلگت بلتستان ۾ 57 هزار 139 ماڻهن ۾ 0.7259 ارب رپيا، اسلام آباد ۾ 32410 ماڻهن ۾ 0.3936 ارب رپيا، خيبرپختونخواهه ۾ هڪ لک 63 هزار 34 ماڻهن ۾ 20.0757 ارب رپيا، پنجاب ۾ 37 لک 77 هزار 837 ماڻهن ۾ 45.9044 ارب رپيا ۽ سنڌ ۾ 2 لک 72 هزار 42 ماڻهن ۾ 32.8547 ارب رپيا ورهايا ويا آهن.
